Hæfniþrep: 3

Einingafjöldi: 3

Viðfangsefni: nótnalæsi, formgreining, hljómgreining, tónlistarsaga, túlkun, skilningur á stílbrigðum.

Lýsing: Í áfanganum eru verk frá rómantíska tímanum og frá fyrstu árum 20. aldar greind í formi, hljómfræðilega og fagurfræðilega. Byrjað er á verkum frá upphafi rómantíska tímans eftir Beethoven, einkum píanósónötur hans og strengjakvartettar. Þá eru sönglög Schuberts skoðuð og tengsl hans við rómantískar bókmenntir könnuð. Í síðari hluta áfangans er h-moll sónata Franz Liszts skoðuð og hvernig síðrómantísk viðhorf hans vísa til tónlistar 20. aldar. Áfanganum lýkur með greiningu á síðrómantískum verkum samkvæmt kenningum Hermanns Erpfs á síðrómantískri hljómhugsun og kenningum Ernö Lendvais um hljóm- og formhugsun Béla Bartóks.

Forkröfur: Tónbókmenntir 1.1

Þekkingarviðmið:

Nemandi skal hafa öðlast þekkingu og skilning á:

• Tónsmíðaaðferðum tónskálda frá rómantíska tímanum og tónskálda frá upphafi 20. aldar.
• Kunna skil á hljómfræðilegri hugsun tónskálda frá rómantíska tímanum, síðrómantíska tímanum og frá upphafi 20. aldar.
• Þekkja helstu grundvallarverk frá rómantíska tímanum og fyrri hluta 20. aldar.
• Þekkja helstu hugtök varðandi hljómgreiningu og formgreiningu frá rómantíska tímanum og frá fyrri hluta 20. aldar.
• Þekkja helstu tónskáld 19. og fyrri hluta 20. aldar og geta greint á milli stílbragða þeirra.

Leikniviðmið:

Nemandinn skal hafa öðlast leikni í að:

• Greina hljóma og form í verkum frá rómantíska tímanum og frá fyrri hluta 20. aldar.
• Beita mismunandi aðferðum við framsetningu greininga sinna, bæði munnlega og skriflega.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Fjalla um form og hljómahugsun tónlistar frá rómantíska tímanum og frá fyrri hluta 20. aldar.
• Setja tónverk í tónlistarsögulegt samhengi.
• Fjalla um tónverk á gagnrýninn hátt.
• Rökstyðja skoðanir sínar.

Geta skrifað ritgerð um tónfræðileg efni á greinargóðan hátt.

Námsmat: Námsmat fer fram í tímum og með munnlegri og skriflegri greiningu og lokaprófi þar sem verk frá fyrri hluta 20. aldar er greint.

Til baka í áfangayfirlit.