Hæfniþrep: 3

Einingafjöldi: 3

Viðfangsefni:

Lýsing: Á námskeiðinu verða kenndir fjórði og fimmti háttur raddhreyfingar í tveggja radda endurreisnarstíl Palestrina og þeir þjálfaðir með heimaverkefnum. Einnig er farið í frjálsan kontrapunkt. Að lokum verða greindar stuttar tónsmíðar endurreisnartónskálda til undirbúnings lokaverkefninu. <br /> Kennslubók: Counterpoint: The Polyphonic Vocal Style of the Sixteenth Century (Dover Books on Music) e. Knud Jeppesen.

Forkröfur: Kontrapunktur 1.1.

Þekkingarviðmið:

Nemandi skal hafa öðlast þekkingu og skilning á:

• Fagurfræði endurreisnartónlistar, einkum með hliðsjón af tónlist Palestrina.
• Mismunandi lyklum sem notaðir voru í tónlist endurreisnar.
• Mótun laglínu í stíl endurreisnar.
• Meðferð ómstríðu, einkum í tónverkum Palestrina.

Leikniviðmið:

Nemandi skal hafa öðlast leikni í að:

• Skrifa tveggja radda kontrapunkt í fjórða og fimmta hætti auk þess að hafa tileinkað sér frjálsan kontrapunkt með tilheyrandi hermiröddun án þess að nota cantus firmus.
• Nota vinnubók til að skrifa verkefni sín í.

Skrifa verkefni í öllum fimm tóntegundum endurreisnartímans.

Hæfniviðmið:

Í lok námskeiðs á nemandinn að:

• Þekkja og skilja raddhreyfingu tveggja radda endurreisnarstíls Palestrina.
• Kunna ritun frjáls kontrapunkts og eftirlíkinga í sama stíl.

Geta skrifað stutta tveggja radda mótettu/messuþátt í stíl Palestrina.

Námsmat: Vinnubók og heimapróf.

Til baka í áfangayfirlit.