Hæfniþrep: 2 (1.1 og 1.2) og 3 (2.1, 2.2, 3.1 og 3.2)

Einingafjöldi: 5

Viðfangsefni: Söngur á sviði klassískrar tónlistar.

Lýsing: Einkatímar í söng. Einstaklingsmiðað nám þar sem verkefni eru valin eftir getu og þörfum hvers nemanda.

Forkröfur: Grunnpróf í söng. Grunnpróf í tónfræði.

Þekkingarviðmið:

Nemandi skal hafa öðlast þekkingu og skilning á:

• Tónbókmenntum sem skrifaðar hafa verið fyrir söngvara.
• Stíl og túlkun ólíkra tónlistarstefna.
• Staðsetningu þeirra verka sem nemandi syngur í tónlistarsögunni.
• Samfélagslegu hlutverki tónlistar á ólíkum tímum.
• Sögulegu samhengi verkanna sem unnin eru í áfanganum.

Leikniviðmið:

Nemandi skal hafa öðlast leikni í að:

• Vinna með söngtækni út frá eðli sinnar raddar.
• Flytja tónverk í viðkomandi námsstigi á tónleikum.
• Nýta möguleika raddarinnar til túlkunar og flutnings á verkum í viðkomandi námsstigi.
• Flytja tónverk á nokkrum mismunandi tungumálum.
• Flytja söngverk með sannfærandi túlkun.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Túlka tónverk á viðkomandi námstigi á sannfærandi hátt.
• Koma fram á opinberum tónleikum.
• Flytja tónverk í ólíkum stíltegundum á sjálfstæðan og skapandi hátt.

Námsmat: Nemendur taka próf í lok hverrar annar, jafnframt fá nemendur iðnieinkunn frá kennara þar sem almenn ástundun er metin. Jafnframt þurfa nemendur að koma fram á tónleikum á hverri önn.

Til baka í áfangayfirlit.