Hæfniþrep: 3

Einingafjöldi: 2

Viðfangsefni: Sviðsuppfærsla á óperu eða söngleik.

Lýsing: Í áfanganum vinna nemendur að uppfærslu á söngverki undir handleiðslu tónlistarstjóra/stjórnanda og leikstjóra. Hópvinna þar sem hver nemandi fær verkefni sem miðast við getu og þarfir hans. Nemendur kynnast ýmsum hliðum leikhúsvinnu s.s. hreyfingum á sviði, því að vinna með hljómsveit og stjórnanda. Áfanganum lýkur með sýningum á verkinu sem unnið hefur verið með.

Forkröfur: Grunnpróf í söng.

Þekkingarviðmið:

Nemandi skal hafa öðlast þekkingu og skilning á:

• Gagnkvæmum áhrifum á mili mismunandi listgreina.
• Sögulegu samhengi verkanna sem unnin eru í áfanganum.
• Ólíkum leikstílum og söngstílum eftir því sem verkefnin bjóða upp á.

Leikniviðmið:

Nemandi skal hafa öðlast leikni í að:

• Syngja á sviði.
• Syngja og leika með öðrum söngvurum.
• Syngja undir handleiðslu hljómsveitarstjóra.
• Vinna með leikstjóra.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Túlka hlutverk á sannfærandi hátt.
• Koma fram í sviðsverki.
• Syngja í óperukór og/eða túlka hlutverk á sjálfstæðan og skapandi hátt.

Námsmat: Áfanganum lýkur með því að söngvarar og hljómsveit flytja sviðsverk í fullbúinni uppfærslu. Nemendur fá einkunn þar sem frammistaða, mæting og almenn ástundun er metin.

Til baka í áfangayfirlit.