Hæfniþrep: 2

Einingafjöldi: 3

Viðfangsefni: Almenn jazzspunatækni á hljóðfæri nemandans og grundvallartök á píanóleik í jazzstíl eftir bókstafshljómum.

Lýsing: Í áfanganum spilar hver nemandi á sitt hljóðfæri. Farið er í gegnum helstu atriði spunatækni, lærðir standardar, fjallað um hryn og lagður grundvöllur að notadrjúgum píanóleik.

Forkröfur: Rytmisk hljómfræði 2.2. Athugið að hljómborðsfræði 1.1 og 1.2 getur verið staðgengill áfanganna Jazzsnarstefjun og hljómborðsfræði 1.1 og 1.2. fyrir trommu- og söngnemendur.

Þekkingarviðmið:

Nemandi skal hafa öðlast þekkingu og skilning á:

• Spunatungumáli jazztónlistar.
• Algengum spunatæknilegum atriðum s.s. breyttum spennum og nálgunarnótum.
• Hendingamótun og tímasetningu í spuna.
• Algengum jazzstandördum.

Algengustu píanóraddsetningum og undirleikstækni.

Leikniviðmið:

Nemandinn skal hafa öðlast leikni í að:

• Leika og spinna yfir 6 valda jazzstandarda utanað.
• Beita margvíslegum tónstigum í spuna.
• Syngja valin jazzsóló utanað með upprunalegri hljóðritun.
• Leika algeng hljómferli í öllum tóntegundum á píanó.
• Nota breyttar spennur og nágnunarnótur í spuna.

Beita hryntækni á borð við fjölhryn (3:4 og 4:3) og hliðrun í spuna.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Þroska spunatækni sína á margvíslegan máta.
• Geta nýtt píanó við undirleik, tónsmíðar og spuna.

Námsmat: Tvö próf á tekin á hljóðfæri nemandans og píanó. Prófað í tónstigum, jazzstandördum með spuna, hrynæfingum, sungnum jazzsólóum með upprunalegri hljóðritun, píanóraddsetningum og undirleik.

Til baka í áfangayfirlit.