Hæfniþrep: 2

Einingafjöldi: 3

Viðfangsefni: Raddskrár, helstu raddsetningaaðferðir, formgreining, hljómgreining, laglínugreining, hljóðfærafræði, ritháttur fyrir rytmísk hljóðfæri, frágangur radda fyrir hljóðfæri.

Lýsing: Í áfanganum er farið í mismunandi hljóðfærafjölskyldur, mannsraddir, strengja-fjölskylduna og slagverkið. Skilaverkefni fylgja hverri fjölskyldu fyrir sig og eru þau skilyrði til að ljúka áfanganum. Verkefnin eru unnin á vefrænu nótnaskriftarforriti og skilist á því formi. Nokkur verkefni verða spiluð í tíma af nemendum. Einnig eru helstu aðferðir í tónsmíðum kynntar og verkefni því að lútandi. Námsefni er á kennsluvef áfangans. <br />

Forkröfur: Jazz útsetningar 1.1.

Þekkingarviðmið:

Nemandi skal hafa öðlast þekkingu og skilning á:

• Helstu raddsetningaraðferðum í rytmískri tónlist.
• Kunna skil á formgreiningu útsetninga, hvað er hvað af köflum verksins.
• Kynnast fjölbreyttum aðferðum við að nálgast útsetningar.
• Hvernig nálgast skal útsetningu sem listræna útfærslu tónverks, en ekki upprit á því sem þegar hefur verið gert.
• Þekkja helstu takmarkanir hljóðfæra og hvað skal hafa í huga áður en skrifað er fyrir mismunandi hljóðfæri. Góð þekking á hljóðfærafræði. 

Leikniviðmið:

Nemandinn skal hafa öðlast leikni í að:

• Útsetja fyrir nánast hvaða minni hóp sem er.
• Lesa raddskrár og greina út frá hljómfræði, form- og laglínugreiningu. 

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Útsetja eigin tónsmíðar annarra.
• Útsetja fyrir nemendur í kennslu eða önnur tilefni í kennslustofnunum.
• Geta útskýrt og leitt æfingar á eigin útsetningum og annarra.
• Öðlast þekkingu á helstu stílum útsetninga. 

Námsmat: Námsmat fer fram með skilaverkefnum sem eru u.þ.b. 4 skilaverkefni í Jazzútsetningum 1.2, auk tímaverkefna. <br /> Einkunn er gefin fyrir yfirfarin verkefni og er sú einkunn grunnurinn fyrir lokaeinkunn áfangans ásamt tímaverkefnum.<br />

Til baka í áfangayfirlit.