Hæfniþrep: 3

Einingafjöldi: 3

Viðfangsefni: Tónlist 18. aldar

Lýsing: Í áfanganum fá nemendur tækifæri til að leika tónlist 18. aldar (barokk og klassík) á upprunaleg hljóðfæri: sembal og fortepíanó (píanónemendur) og barokk-strengjahljóðfæri. Leitast er við að nálgast tónlistina út frá þeim flutningshefðum sem tíðkuðust á þeim tíma þegar verkin urðu til, og skoðað hvernig gömul hljóðfæri bjóða upp á annars konar túlkunarmöguleika en hin nýrri. Rætt verður um hvað býr að baki hugtakinu “sagnréttur flutningur” (historically informed performance), og borin saman túlkun ólíkra tónlistarmanna á gömul og ný hljóðfæri. Kennsla fer fram bæði í hóptímum og einkatímum.

Forkröfur: Engar

Þekkingarviðmið:

Nemandi skal hafa öðlast þekkingu og skilning á:

• ólíkum eiginleikum gamalla hljóðfæra og hvernig þeir hafa áhrif á flutning gamallar tónlistar.
• helstu flutningsvenjum í tónlist 18. aldar.
• hugmyndafræðilegum bakgrunni sagnréttrar flutningshefðar á 20. og 21. öld.

Leikniviðmið:

Nemandi skal hafa öðlast leikni í að:

•  leika á gömul hljóðfæri á sannfærandi hátt og með vitneskju um sögulegan flutningsmáta.
•  greina ólíkar túlkunarhefðir í flutningi annarra.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• þekkja og skilja muninn á eiginleikum gamalla og nýrra hljóðfæra og þær flutningshefðir sem þeim fylgja.
• hafa grunngetu til að fjalla um sögulegt samhengi upprunaflutnings
• geta leikið verk frá 18. öld á gömul hljóðfæri.

Námsmat: Hóptímar/masterklassar og tónleikar í lok námskeiðs.

Til baka í áfangayfirlit.