Hæfniþrep: 4

Einingafjöldi: 5

Viðfangsefni: Þríhljómar auk tónbila, kirkjutónstigar, taktsláttur, margbrotin lög í dúr og moll, c-lyklar auk g- og f- lykils, hljómagangur, hrynur og fjölhrynur, nótnalestur, nótnaritun.

Lýsing: Hljómræn heyrn er þjálfuð og nemendur látnir rita einfaldan hljómagang eftir eyra. Sömuleiðis rita þeir tvíradda æfingar. Nemendur lesa og syngja úr sópran- og altlyklum auk hinna algengu g- og f-lykla. Þá fara þeir með ýmiss konar hrynæfingar. Allt efni er kynnt og undirbúið í kennslustundum en nemendur þurfa að æfa sig reglulega heima og gildir það um allt námsefnið Kennslubækur eru: R. Starer: Rhythmic Training; G. Dandelot: Manuel Pratique og Solfège des solfèges, sópran-, alt- og tenórbækur.

Forkröfur: Tónheyrn 3.1

Þekkingarviðmið:

• Lesa og spila einfaldar æfingar í sópran-, alt- og tenórlykli sbr. æfingar í Manuel Pratique í sömu lyklum.
• Syngja lög á nótnanöfnum í sópran-, alt- og tenórlykli sbr. lögin í Solfège des solfèges.
• Syngja eina rödd úr sálmi og spila aðra rödd samtímis. Raddirnar eru ekki í sömu lyklum.
• Fara með hrynæfingar sbr. kafla IV-VIII í Rhythmic Training.
• Fara með fjölhryn.
• Skrifa niður fjögurra radda hljóma sem slegnir eru á píanó.
• Skrifa niður hljómagang eftir heyrn, þ.e. sópran og bassa með rómverskum sætistölum og tölusetningu.
• Skrifa niður tveggja radda lagrit eftir heyrn.

Leikniviðmið:

• Hafa ofantalin þekkingaratriði þrautalaust á valdi sínu í músíkölsku samhengi.
• Geta farið hnökralítið með þær æfingar sem settar eru fyrir.
• Geta skráð vandkvæðalítið eftir heyrn þau dæmi sem leikin eru.

Hæfniviðmið:

• Lesfærni á ritaða tónlist.
• Geta yfirfært hryn og tóna yfir á rittákn.
• Geta heyrt ritaða tónlist og ritað heyrða.

Námsmat: Símat, munnleg og skrifleg próf í kennslustundum alla önnina.

Til baka í áfangayfirlit.