Hæfniþrep: 2

Einingafjöldi: 3

Viðfangsefni: Þjálfun í leiklist, bæði sem hjálp við að koma fram á tónleikum og sem aðferð við að vinna hlutverk í sviðsuppfærslu.

Lýsing: Hóptímar í leiklist. Vinna með líkamstjáningu, líkamsbeitingu og talþjálfun. Skoðað hvernig hægt er að vinna kynningar á tónleikum. Unnið með spuna. Mismunandi skólar og aðferðir í leiklist kynntar fyrir nemendum. Nemendur fá þjálfun í að vinna á sviði, bæði einir og með öðrum. Farið yfir hvernig hægt er að vinna hlutverk.

Forkröfur: Engar.

Þekkingarviðmið:

Nemandi skal hafa öðlast þekkingu og skilning á:

• Gagnkvæmum áhrifum á mili mismunandi listgreina.
• Mismunandi skólum og aðferðum í leiklist.
• Líkamsbeitingu og hvernig hún nýtist í flutningi tónlistar.
• Raddbeitingu og framsögn á sviði.

Leikniviðmið:

Nemandi skal hafa öðlast leikni í að:

• Koma fram á tónleikum og kynna viðfangsefni.
• Vinna með líkama og rödd á sviði.
• Undirbúa hlutverk út frá túlkun og leiklist.

 

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Koma fram á tónleikum og kynna viðfangsefni á skýran og líflegan hátt.
• Nota tal/söng, líkamsbeitingu og líkamstjáningu á sviði.
• Vinna með öðrum í sviðsuppfærslu.
• Koma fram í hlutverki á sviði.

Námsmat: Nemendur fá einkunn fyrir mætingu og almenna ástundun í áfanganum.

Til baka í áfangayfirlit.