Hæfniþrep: 1

Einingafjöldi: 3

Viðfangsefni: Saga óperutónlistar, ljóðasöngs og annarra söngverka frá upphafi rómantíska tímabilsins og fram til nútímans.

Lýsing: Í áfanganum er farið yfir sögu söngbókmennta frá upphafi rómantíska tímabilsins og fram til nútímas, þar sem fjallað er um helstu höfunda og verk sem móta tímabilið. Sagan er skoðuð í samhengi við almenna sögu tímabilsins í gegnum orsakir og afleiðingar. Leitast er við að tengja og skilja stöðu, þróun og framvindu tónlistarsinnar í ljósi ýmiskonar þjóðfélagslegra umbrota sem fylgdu tímaskeiðinu.

Forkröfur: Engar.

Þekkingarviðmið:

Nemandi skal hafa öðlast þekkingu og skilning á:

• Fagurfræðilegum og hugmyndafræðilegum forsendum er liggja til grundvallar mismunandi stílum og einkennum söngverka.
• Hvernig mikilvægir atburðir í mannkynssögunni hafa áhrif á þróun tónsköpunar.
• Þróun stíls og einkenna á mismunandi tímabilum.
• Gagnkvæmum áhrifum á milli mismunandi listgreina.

Leikniviðmið:

Nemandi skal hafa öðlast leikni í að:

• Fjalla um afmörkuð viðfangsefni er tengjast sögu söngtónlistar.
• Svara munnlega og skriflega spurningum um tónlistarsöguleg málefni s.s. samhengi, orsakir, afleiðingar, stíl og áferð.
• Þekkja mismunandi söngverk með tilliti til höfundareinkenna, stíls og áferðar.
• Geta greint söguleg einkenni í samræmi við þróun stíls á tímabilinu.
• Fjalla um tónlistarsöguleg málefni í heimildaritgerð.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Þekkja helstu höfunda og söngverk sem móta tímabilið.
• Geta fjallað um og útskýrt helstu stíltegundir í söngtónlist á tímabilinu.
• Þekkja helstu einkenni sem fylgja söngtónlist fram til loka klassíska tímabilsins.
• Útskýra helstu form og gerðir verka á tímabilinu sem um ræðir.
• Hafa yfirsýn og getu til að fjalla um þróun sönglistar á tímabilinu.

Námsmat: Stutt hlustunarpróf í kennslustundum, ritgerðarverkefni, próf úr efni í annarlok.

Til baka í áfangayfirlit.