Hæfniþrep: 2

Einingafjöldi: 3

Viðfangsefni: Spuni

Lýsing: Í áfanganum fá nemendur grunn í spuna í jazztónlist. Áfanginn hentar vel klassískum tónlistarnemendum og þeim sem ekki hafa grunn í rytmískri tónlist. Í áfanganum er unnið með einfaldar gerðir spuna. Nemendur eru með hljóðfæri í tímum og læra að spinna yfir einföld hljómaferli eins og þau birtast í blús, modal lögum og einföldum standördum. Hljómfræðilegar upplýsingar eru lagðar fram eftir þörfum. Hluti af áfanganum er hlustun þar sem nemendur kynnast mikilvægum listamönnum úr ólíkum stílum.

Forkröfur: Engar.

Þekkingarviðmið:

Nemandi skal hafa öðlast þekkingu og skilning á:

• einföldum hljómaferlum .
• viðeigandi tónstigum og hljómum
• jazzstíl og hendingamótun.

Leikniviðmið:

Nemandi skal hafa öðlast leikni í að:

• spinna yfir einföld hljómaferli
• greina algengustu hljómgerðir.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• spinna yfir einföld hljómaferli.
• stunda frekara nám á sviði rytmískrar tónlistar
• leika af fingrum fram í samspili

Námsmat: Einkunn er byggð á spilaverkefnum og prófum.

Til baka í áfangayfirlit.