Hæfniþrep: 4

Einingafjöldi: 5

Viðfangsefni: Áhersla er lögð á að efla tónheyrn og færni í að greina hvernig laglínur og hljómasambönd eru uppbyggð. Námið miðar að því að nemendur hafi vald á að syngja, greina og skrifa niður algeng takt-, laglínu- og hljómferli þar sem tóntegundaskipti og krómatískar nótur koma fyrir. Byggt er á grunni rytmískrar tónheyrnar 3.1. en erfiðleikastig er aukið varðandi lengd tóndæma, flækjustig í tónbilum og hryn og þjálfun samhæfingar.

Lýsing: Tónlestur, aukin þjálfun í hrynlestri og samhæfingu, tónbil og ritun hljóma, laglínu- og hrynferla. Í tónheyrninni er notast við Solfa kerfið.

Forkröfur: Rytmísk tónheyrn 3.1.

Þekkingarviðmið:

Nemandi skal hafa öðlast þekkingu og skilning á:

• Laglínusöng með Solfa aðferð og uppbyggingu hljóma.
• Enn fremur skal hann hafa fengið skilning á hvernig algengar rytmískar hrynhendingar, byggðar á arfi rytmískrar tónlistar, eru útfærðar í nótnaskrift. 

Leikniviðmið:

Hæfniviðmið:

Nemandi skal hafa tileinkað sér almenna færni í að:

• Heyra, syngja og rita niður laglínuhendingar í dúr- og molltónstigum til að geta tekist á við flest viðfangsefni sem snúa að almennum hljóðfæraleik og söng.
• Hagnýta sér þá almennu þekkingu og leikni sem hann hefur öðlast, til að efla samleik og spuna. 

Námsmat: Próf og námsmat: Frammistaða í tímum (10%), 3 áfangapróf (30%), skriflegt og munnlegt próf í lok námskeiðs þar sem hvort gildir (30%).

Til baka í áfangayfirlit.