Hæfniþrep: 1

Einingafjöldi: 3

Viðfangsefni: Tónlistarsaga, hlustun, formfræði.

Lýsing: Í námskeiðinu kynnast nemendur vestrænni tónlist frá upphafi nótnaritunar til loka barokktímans um 1750. Tekin eru fyrir verk sem þykja lýsandi fyrir þróun tónlistarinnar í gegnum miðaldir, endurreisn og barokk. Nemendur takast á við mikilvægar spurningar er lúta að einkennum og þróun stíls á hverju tímabili fyrir sig.

Forkröfur: Engar.

Þekkingarviðmið:

Nemandi skal hafa öðlast þekkingu og skilning á:

• Mikilvægi tónlistarsögu fyrir heildrænan þroska í tónlist.
• Fagurfræðilegum og hugmyndafræðilegum forsendum er liggja til grundvallar mismunandi stílum og einkennum tónverka.
• Hvernig mikilvægir atburðir í mannkynssögunni hafa áhrif á þróun tónsköpunar.
• Þróun stíls og einkenna á mismunandi tímabilum.
• Gagnkvæmum áhrifum á milli mismunandi listgreina.

Leikniviðmið:

Nemandi skal hafa öðlast leikni í að:

• Fjalla um afmörkuð viðfangsefni er tengjast tónlistarsögu frá 700-1750.
• Svara munnlega og skriflega spurningum um tónlistarsöguleg málefni s.s. samhengi, orsakir, afleiðingar, stíl og áferð.
• Þekkja mismunandi tónverk með tilliti til höfundareinkenna, stíls og áferðar.
• Geta greint söguleg einkenni í samræmi við þróun stíls á tímabilinu.
• Fjalla um tónlistarsöguleg málefni í heimildaritgerð.

Hæfniviðmið:

Í lok námskeið á nemandi að:

• Þekkja helstu höfunda og verk sem móta tímabilið.
• Þekkja og skilja helstu einkenni sem tengjast tónlist tímabilsins.
• Geta fjallað um og útskýrt stílræn einkenni í tónlist.
• Hafa grunngetu til að fjalla um sögulegt samhengi tónlistar á mismunandi skeiðum.
• Hafa yfirsýn og getu til að útskýra helstu form og gerðir verka á tímabilinu.
• Hafa yfirsýn og getu til að fjalla um þróun stíleinkenna á tímabilinu.

Námsmat: Stutt hlustunarpróf í kennslustundum, ritgerðarverkefni, próf úr efni í annarlok.

Til baka í áfangayfirlit.